गूढाचा काठ.. नवांगुळे
नवांगुळेही ह्रदय नुरले तुझ्या ह्रदयापासुनि
का परि ते अंतर इतुके वेडावते मज हासुनि
सांजबावरे दोन विहंग वाट रोखूनि बसलेले
सांग सखे तू जाशील कैसी अंतर त्यांसवे राखुनि
मेघसावळ्या भ्रमराला काय खुळा मधुछंद असे
मालती तरी उरते कुठे सर्वस्व तया अर्पुनि
का वामी जखमा घेऊनि वावरतात बहाद्दर हे
रिपू तरी हा कसा टाकेना क्षणात काळीज चिरुनि
जळावयाचे आहे भास्करा तुझी परंतू साथ नसे
का देशी रे उगा दिलासा तू किरणांची माळ गुंफुनि
सूर आठवा फसवा नसे ठाऊक आहे ना हे तुला
साद देता येशील धावत तू गूढाच्या काठावरुनि
– © विक्रम श्रीराम एडके
(www.vikramedke.com)
